#Vijayadashami 2021: ಎಲ್ಲರನ್ನೂ ಹರಸಲಿ ಶಕ್ತಿದೇವತೆ ಚಾಮುಂಡೇಶ್ವರಿ: ಇಲ್ಲಿವೆ ವಿಜಯದಶಮಿಯ ಶುಭ ಸಂದೇಶಗಳು
Vijayadashami 2021: ಎಲ್ಲರನ್ನೂ ಹರಸಲಿ ಶಕ್ತಿದೇವತೆ ಚಾಮುಂಡೇಶ್ವರಿ: ಇಲ್ಲಿವೆ ವಿಜಯದಶಮಿಯ ಶುಭ ಸಂದೇಶಗಳು
Dasara 2021 Wishes : ಖುಷಿಯ ದಸರಾ ಹಬ್ಬ ಮತ್ತೆ ಬಂದಿದೆ. ವಿಜಯ ದಶಮಿಯ ಈ ಶುಭ ಸಂದರ್ಭದಲ್ಲಿ ನಿಮ್ಮ ಪ್ರೀತಿಪಾತ್ರರಿಗೆ ಕಳುಹಿಸಿಕೊಡುವಂತೆ ಕೆಲವು ಶುಭಾಶಯದ ಸಂದೇಶಗಳು ಇಲ್ಲಿವೆ.
ದಸರಾ... ಈ ಹೆಸರಿನಲ್ಲೇ ಅದ್ಭುತ ಶಕ್ತಿ ಇದೆ. ನವರಾತ್ರಿಯ ಈ ಶುಭ ಸಂದರ್ಭ ಕರುನಾಡಿನ ಪಾಲಿಗೆ ಬಹಳ ಮಹತ್ವದ್ದು. ನಾಡಹಬ್ಬವಾಗಿ ನಾವು ದಸರಾವನ್ನು ಆಚರಿಸಿಕೊಂಡು ಬರುತ್ತಿದ್ದೇವೆ. ದುಷ್ಟಶಕ್ತಿಯ ವಿರುದ್ಧ ದೈವೀಶಕ್ತಿಯ ಗೆಲುವಿನ ಪ್ರತೀಕವೇ ವಿಜಯದಶಮಿ. ಈ ಸಲ ಅಕ್ಟೋಬರ್ 15ರಂದು ವಿಜಯದಶಮಿಯನ್ನು ಆಚರಿಸಲಾಗುತ್ತಿದೆ.
ಈಗಾಗಲೇ ನವರಾತ್ರಿಯ ಸಂಭ್ರಮ ಎಲ್ಲೆಲ್ಲೂ ಕಳೆಗಟ್ಟಿದೆ. ನವದುರ್ಗೆಯರನ್ನು ಆರಾಧಿಸಿ ಎಲ್ಲರೂ ಹಬ್ಬವನ್ನು ಶ್ರದ್ಧಾಭಕ್ತಿಯಿಂದ ಆಚರಿಸುತ್ತಿದ್ದಾರೆ. ವಿಜಯದಶಮಿಯಂದು ಒಂಭತ್ತು ದಿನಗಳ ಕಾಲ ನಡೆದ ಸಂಭ್ರಮದ ನವರಾತ್ರಿಗೂ ತೆರೆಬೀಳಲಿದೆ. ಶ್ರೀರಾಮನು ರಾವಣನನ್ನು ಸಂಹರಿಸಿದ ಬಳಿಕ ಈ ಹಬ್ಬದ ಆಚರಣೆ ಆರಂಭಿಸಲಾಯಿತು ಎಂಬ ನಂಬಿಕೆಯೂ ಇದೆ. ಹೀಗಾಗಿ, ಉತ್ತರ ಭಾರತದಲ್ಲಿ ರಾವಣನ ಬೃಹತ್ ಪ್ರತಿಕೃತಿಯನ್ನು ಸುಡುವ ಮೂಲಕ ವಿಜಯದಶಮಿಯನ್ನು ಆಚರಿಸಲಾಗುತ್ತದೆ. ಇನ್ನು, ಲೋಕಕಂಟಕನಾಗಿ ಮೆರೆಯುತ್ತಿದ್ದ ಮಹಿಷಾಸುರನನ್ನು ದೇವಿ ದುರ್ಗೆಯು ಸಂಹರಿಸಿದ ಹಬ್ಬವನ್ನಾಗಿಯೂ ವಿಜಯದಶಮಿಯನ್ನು ಆಚರಿಸಿಕೊಂಡು ಬರಲಾಗುತ್ತಿದೆ.
ಕರುನಾಡಿನ ಪಾಲಿಗೆ ದಸರಾ ಮಹತ್ವದ ಹಬ್ಬ. ನಾಡಹಬ್ಬವನ್ನಾಗಿ ನಾವು ದಸರಾವನ್ನು ಆಚರಿಸಿಕೊಂಡು ಬರುತ್ತಿದ್ದೇವೆ. ಹೀಗಾಗಿ, ದಸರಾ ಕನ್ನಡಿಗರ ಹೆಮ್ಮೆಯ ಹಬ್ಬವೂ ಹೌದು. ವಿಜಯ ದಶಮಿಯ ಈ ಶುಭ ಸಂದರ್ಭದಲ್ಲಿ ನಿಮ್ಮ ಪ್ರೀತಿಪಾತ್ರರಿಗೆ ಕಳುಹಿಸಿಕೊಡುವಂತಹ ಕೆಲ ಶುಭಾಶಯದ ಸಂದೇಶಗಳು ಇಲ್ಲಿವೆ.
ವಿಜಯದಶಮಿಯ ಶುಭಾಶಯಗಳು
* ನಾಡಿನ ಅಧಿದೇವತೆ ಚಾಮುಂಡೇಶ್ವರಿ ಎಲ್ಲರನ್ನೂ ಹರಸಲಿ. ಸರ್ವರ ಪಾಲಿಗೂ ಈ ದಸರಾ ಹಬ್ಬ ಸುಖ, ಶಾಂತಿ, ನೆಮ್ಮದಿ ಕರುಣಿಸಲಿ. ಎಲ್ಲರಿಗೂ ವಿಜಯದಶಮಿ ಹಬ್ಬದ ಹಾರ್ದಿಕ ಶುಭಾಶಯಗಳು
* ನಿಮ್ಮ ಸಾಧನೆಯ ಹಾದಿಗಿದ್ದ ಎಲ್ಲಾ ಅಡೆತಡೆಗಳು ಕೊನೆಯಾಗಲಿ. ತಾಯಿ ಚಾಮುಂಡೇಶ್ವರಿಯ ಕೃಪೆ ನಿರಂತರ ನಿಮ್ಮ ಮೇಲೆ ಇರಲಿ. ಎಲ್ಲರಿಗೂ ನಾಡಹಬ್ಬ ದಸರಾದ ಹಾರ್ದಿಕ ಶುಭಾಶಯಗಳು
* ದಸರಾ ವಿಜಯದ ಸಂಕೇತ. ಹಾಗೆಯೇ, ನಿಮ್ಮ ಎಲ್ಲಾ ಕಾರ್ಯಗಳಲ್ಲೂ, ಪ್ರಾಮಾಣಿಕ ಪ್ರಯತ್ನಗಳಲ್ಲಿ ಗೆಲುವು ಲಭಿಸಲಿ. ನಿಮಗೆ ಹಾಗೂ ನಿಮ್ಮ ಕುಟುಂಬಕ್ಕೆ ದಸರಾ ಹಬ್ಬದ ಹಾರ್ದಿಕ ಶುಭಾಶಯಗಳು
* ದುಷ್ಟಶಕ್ತಿಯ ವಿರುದ್ಧ ದೈವೀಶಕ್ತಿಯ ವಿಜಯದ ಆಚರಣೆಯ ಸಮಯ ಬಂದಿದೆ. ಇದೇ ಚೈತನ್ಯವನ್ನು ಮುಂದುವರಿಸೋಣ. ಸರ್ವರಿಗೂ ವಿಜಯದಶಮಿಯ ಹಾರ್ದಿಕ ಶುಭಾಶಯಗಳು
* ಸತ್ಯಕ್ಕೆ ಯಾವತ್ತೂ ಜಯ ಸಿಗುತ್ತದೆ ಮತ್ತು ಕೆಟ್ಟ ಶಕ್ತಿಗಳ ವಿರುದ್ಧ ದೈವೀಶಕ್ತಿ ಗೆಲುತ್ತದೆ. ದೇವರ ಕೃಪೆ ಸದಾ ನಿಮ್ಮ ಮೇಲೆ ಇರಲಿ. ಶಾಶ್ವತವಾದ ಸುಖ, ಶಾಂತಿ, ನೆಮ್ಮದಿ ನಿಮ್ಮದಾಗಲಿ. ನಿಮಗೆ ಹಾಗೂ ನಿಮ್ಮ ಕುಟುಂಬಕ್ಕೆ ವಿಜಯದಶಮಿ ಹಬ್ಬದ ಹಾರ್ದಿಕ ಶುಭಾಶಯಗಳು
* ಈ ಹಬ್ಬದಲ್ಲಿ ಮಾಂತ್ರಿಕ ಸೆಳೆತವಿದೆ. ಕತ್ತಲೆಯನ್ನು ಬೆಳಕಾಗಿ, ಸಂಕಟವನ್ನು ಸಂತಸದ ಕ್ಷಣವನ್ನಾಗಿ ಬದಲಾಯಿಸುವ ಶಕ್ತಿ ಈ ದಸರಾ ಹಬ್ಬಕ್ಕಿದೆ. ನವದುರ್ಗೆಯರು ಎಲ್ಲೆಲ್ಲೂ ಸಂತೋಷ, ನೆಮ್ಮದಿಯನ್ನು ತರಲಿ. ನಿಮಗೆ ಮತ್ತು ನಿಮ್ಮ ಕುಟುಂಬಕ್ಕೆ ವಿಜಯದಶಮಿ ಹಬ್ಬದ ಹಾರ್ದಿಕ ಶುಭಾಶಯಗಳು
* ವಿಜಯದಶಮಿ ನಿಮ್ಮ ಉತ್ಸಾಹ, ಸಂತೋಷ, ಶಾಂತಿ ಮತ್ತು ನೆಮ್ಮದಿಯನ್ನು ಹೆಚ್ಚಿಸಲಿ. ಈ ಹಬ್ಬ ಸರ್ವರಿಗೂ ಶುಭವ ತರಲಿ. ಎಲ್ಲರಿಗೂ ದಸರಾ ಹಬ್ಬದ ಶುಭಾಶಯಗಳು
* ವಿಜಯದಶಮಿಯ ಹಾರ್ದಿಕ ಶುಭಾಶಯಗಳು. ದೇವಿ ದುರ್ಗೆಯು ನಿಮ್ಮೆಲ್ಲರ ಇಷ್ಟಾರ್ಥಗಳನ್ನು ಈಡೇರಿಸಲಿ, ನಿಮಗೆ ಉತ್ತಮ ಆರೋಗ್ಯ, ಯಶಸ್ಸು ಮತ್ತು ಸಂತೋಷವನ್ನು ಕರುಣಿಸಲಿ.
* ಶಕ್ತಿದೇವತೆ ಶ್ರೀಚಾಮುಂಡೇಶ್ವರಿಯ ಆಶೀರ್ವಾದದಿಂದ ಎಲ್ಲರಿಗೂ ಸುಖ, ಶಾಂತಿ, ಆರೋಗ್ಯ, ನೆಮ್ಮದಿ ದೊರೆಯಲಿ ಎಂದು ನಾನು ಪ್ರಾರ್ಥಿಸುತ್ತೇನೆ. ರಾಜ್ಯದ ಸಮಸ್ತ ಜನರಿಗೆ ದಸರಾ ಹಬ್ಬದ ಹಾರ್ದಿಕ ಶುಭಾಶಯಗಳು
* ಸದಾ ಸತ್ಯ, ಧರ್ಮದ ಹಾದಿಯಲ್ಲಿ ಮುನ್ನಡೆಯೋಣ. ಶ್ರದ್ಧಾಭಕ್ತಿಯಿಂದ ಶಕ್ತಿದೇವತೆಯನ್ನೂ ಪೂಜಿಸೋಣ. ದಸರಾ ಹಬ್ಬದ ಪವಿತ್ರ ಸಂದರ್ಭದಲ್ಲಿ ನಿಮಗೆ ಹಾಗೂ ನಿಮ್ಮ ಕುಟುಂಬದವರಿಗೆ ನನ್ನ ಶುಭಾಶಯಗಳು.
Tag:
No comments:
Post a Comment